Zbardhen detaje të reja lidhur me biznesmenin Idlir Karkini, miku i politikanëve, i cili është shpallur në kërkim një ditë më parë nga Prokuroria e Kavajës, pasi ka përvetësuar sipërfaqen e tokës, që ishte në pronësi të Komandandës së Forcave Ajrore në plazhin e Spillesë.
Burime nga Interpol bënë me dije për Report Tv se biznesmeni Karkini është larguar nga Shqipëria më datë 11 shkurt, vetëm nëntë ditë para se të lëshohej urdhër-arrest ndaj tij. Pikërisht në këtë datë, ai ka dalë nga Shqipëria nga aeroporti i Rinasit. Dyshohet që aksioni për arrestimin e biznesmenit është dekonspiruar, dhe për këtë arsye kanë nisur hetimet, përveç hetimeve që po kryhen për abuzimet me pronat.
Sipërfaqja e tokës së përvetësuar prej tij shërbente si poligon qitje nga Komanda Ajrore, por në mënyrë të kundraligjshme është regjistruar në hipotekë në emër të biznesmenit Idlir Karkini.