Ish-ministri i Drejtësisë, Ylli Manjani ka hedhur dritë mbi dilemën nëse kreu i PD-së, Lulzim Basha do ta përjashtojë ish-kryeministrin Sali Berishën nga Kuvendi i ri.
Manjani shkruan se Basha nuk ka asgjë në dorë dhe në bazë të ligjit deputeti largohet vullnetarisht ose nëse ka bërë shkelje të rënda. Ai shton se deputetët nuk përjashtohen për qejf të dynjasë e as për qejfet e ambasadave.
“Edhe njëherë, që ta mbyllim këtë temë, tashmë krejt pa interes për publikun.
Lulzim Basha NUK E KA NË DORË ta largojë Berishën nga parlamenti. Ligjërisht deputeti largohet vullnetarisht ose e largon ligji kur i provohet shkelja që ka bërë.
Nuk të largon partia nga mandati, në ditët e sotme, o shokë e shoqe!!! Nuk e ka në dorë më partia këtë punë, që prej 30 vitesh. Po ta kishte më së paku do largonin ata që nuk pranuan të digjnin mandatet (sa për ilustrim).
Gjithashtu, Lulzim Basha nuk mund të përhashtojë dot nga grupi parlamentar asnjë deputet, kur ky i fundit është korrekt me linjën politike të partisë. Nëse deputetët u përjashtokan për qejf të dynjasë, atëherë ai smund të jetë më drejtues i asnjë ekipi, se qejfet e dynjasë nuk mbarojnë… në këtë “qejf” përfshij edhe qejfet e ambasadave..
Poooooor, Lulzim Bashës, sot e gjithë ditët në vijim, duhet t’i kërkojmë hesap përse nuk po bëhet qendra e drejtimit të opozitarizmit në Shqipëri?
Përse ka rryma e individë në opozitëe qeverinë që nuk po i afron në një platformë të integruar?
Kur dhe si do të drejtojë dialogun për të bërë reformën kushtetuese e politike?
Këto janë përgjegjësi e Lulzim Bashës e jo debati idiot, e përzë apo jo dot Berishën.
Sepse nuk e ka në dorë, as ai e as kush!
——-
Meqë ra fjala edhe këtë fakt , pra që ska gjë në dorë, duhet ta thotë vetë Basha që të mbyllet kjo temë që po merr vemendje publik krejt panevojë!!!
Sinqerisht nuk e kuptoj përse merr kosto kot për gjëra që nuk janë në dorën e Tij?!!”, shkruan Manjani
