Shqiptarët, ndër shekuj janë identifikuar si natyrë patriakale si dhe posedues të fuqishëm të gjinisë së kundërt. Përpos krimit në familje, kemi edhe sulmet dhe vrasjet ndaj shtetasëve të huaj, jo në Shqipëri, në një masë të konsiderueshme.
Mesa duket shqiptarët janë aq guximtarë saqë edhe kur janë në statusin e emigrantit nuk hezitojnë të shprehin impulse e tyre aq më tepër kur bëhet fjalë për ngacmimin e partnereve të tyre.
Jo vetëm në Shqipëri por edhe në vendet e huaja ata e kanë treguar ‘kryeneçësinë” e tyre duke u treguar sensitiv kur bëhej fjala për ngacmime ndaj të dashurave, apo grave të tyre.
Në mjaft raste të huajt e kanë gjetur veten të vdekur, kur janë përballur me zemërimin e “ nderit” të shqiptarit.
Megjithatë kjo gjë iu ka kushtuar shqiptarëvë shumë, pasi janë përballur me forcën e ligjit, aq më tepër në një vend të huaj, ku emigrantët nuk janë edhe aq shumë të favorizuar.
Çfarë ndodhi sot ?
Shqiptari plagosi dy rumunë, u ndjek me aeroplan dhe nga 60 policë
Një shqiptar i Kosovës qëlloi me armë zjarri dy rumunë në austri, ku njëri prej tyre është në gjendje të rëndë.
Shkaku kryesor ka qenë një femër, profili i së cilës nuk u bë publik.
Autori i vrasjes është kapur pas ndjekjes me helikopter nga ajri, ku në aksion janë angazhuar 60 policë.
Shqiptari goditi me thikë pronarin grek, u vretëdorëzua në polici
Pothuajse gati para 2 vitesh një 33 vjeçar shqiptar vrau me thikë grekun, i cili ishte pronari i një fast foodi në Korfuz.
Sipas policisë greke shkak i ngjarjes ka qenë grindja midis shqiptarit dhe grekut, për motive të dobëta.
Pas krimit, autori u vetëdorëzua në policinë e Korfuzit.
Vrau dy persona në Salzburg se i ngacmuan të dashurën, shqiptari befasoi me deklaratën e tij
Shqiptari Florin C., 43-vjeç vrau më 14 tetor të vitit 2017 një roje nate dhe një truprojë, pasi kishte shkuar me të dashurën e tij në një restorant.
Mediat e huaja shkruajtën se e dashura e tij ishte ngacmuar atje, sipas deklaratës së shqiptarit. Ky i fundit ka thënë se donte të sqarohej, por situata degjeneroi dhe plasi sherri.
Vrau serbin se i ngacmoi të dashurën, shqiptari nga Kosova u kërkua për një kohë të gjatë nga policia
38 vjeçari nga Kosova theri një serb 37 vjeç, pronar i një lokali në Vjenë,
Shkak për këtë sulm u tha se mund të ketë qenë një kompliment që 37 vjeçari ia kishte bërë gruas së shqiptarit nga Kosova, gjë e cila ka revoltuar këtë të fundit duke iu kundërpërgjigjur me sharje deri sa erdhi një çast që situata degradoi me goditje me thikë ndaj serbit.
Sherri për një femër që përfundoi në vrasje në Itali
22-vjeçari, Marjel Mjeshtri, i akuzuar për vrasjen e bashkëmoshatarit Oltjan Nela, i cili u vra me thikë për vdekje natën mes 7 dhe 8 dhjetorit 2015 në Terni të Italisë.
Gjykata e Lartë në Itali, dy ditë më pas, shpalli apelimin e mbrojtjes së të pandehurit si të papranueshme dhe si rrjedhojë konfirmoi dënimin e dhënë në shkallë të dytë.
Sherri që pasoi vrasjen nisi në një lokal nate. Shkaku sipas prokurorisë, ishte se Mjeshtri akuzoi Nelën se i kishte ngacmuar të dashurën.
Përgatiti : AlpeNews.al
