Një makinë në Durrës ka shpërthyer, ndërsa dyshohet se ishte sperkatur me lëndë djegëse.
Ngjarja ndodhi rreth orës orës 03:00 të mëngjesit në rrugën ‘Ramazan Jella’, shumë pranë degës së PD-së.Bëhet fjalë për mjetin tip ‘Reno’ me targa AA 301ZZ. Fatmirësisht nuk ka persona të lënduar nga shpërthimi, ndërsa mjeti ka pësuar dëmtime të lehta.
Pronari i makinës, Albano Çomanit, është njohur me ngjarjen kur ka shkuar pranë mjetit, ndërsa më pas ka sinjalizuar policinë. Aktualisht kjo e fundit ndodhet në vendin e ngjarjes dhe ka nisur hetimet për zbardhjen e saj.
“Më datë 20.07.2020, rreth orës 03:00, në lagjen nr.3, Durrës, është tentuar të dëmtohet me lëndë djegëse mjeti tip “Reno” në pronësi të shtetasit A.C., e për pasojë ka pasur dëme të vogla materiale në mjetet tip “Reno” dhe “Ford”. Grupi hetimor dhe shërbimet e Policisë ndodhen në vendngjarje, dhe po punohet për zbardhjen e ngjarjes, identifikimin dhe kapjen e autorit.”, thuhet në njoftimin e policisë.
