Kreu i BDI-së Ali Ahmeti zgjodhi tubimin parazgjedhor në Tetovë që t`u përgjigjet ofendimeve të liderit socialdemokrat Zoran Zaev në adresë të shqiptarëve.
“Mos harrojnë të gjithë ata sepse me këtë prononcim dhe me këtë deklarim e mendim ua luajnë eshtrat në varr të gjithë atyre që kanë derdhur gjak”, tha ai.
Nga Gostivari u kundërpërgjigj edhe Ziadin Sela nga koalicioni ASH-Alternativa. Ai bëri të ditur se kësaj radhe shqiptarët do të votojnë kuq e zi.
“Vijnë na trazojnë plagët çdo ditë. Ata munden të vijnë të marrin votën dhe pastaj të na mashtrojnë”, tha Sela.
Socialdemokratët e Zaevit vazhdojnë me akuza ndaj BDI-së. Kreu i tyre vazhdon të jetë kundër kryeministrit shqiptar.
“Të mos rrezikojmë, të mos e japim votën për cilin do që mund të koalicionojë me Mickoskin. Vota për BDI-në është votë për Mickoskin, vota për Mickoskin do të thotë të ripërtërihet regjimi i vjetër”
Derisa nëpër rrjetet sociale ka filluar një fushatë me moton “Ti vlen” për të senzibilizuar shqiptarët që të votojnë kundër Zaevit, në skenën politike të Maqedonisë së Veriut edhe sot kanë shpërthyer “bomba” të reja.
Protagonistë sërish paraqitet Zoran Zaevi, i cili pretendohet se ka ndërhyrë në vendimet gjyqësore lidhur me lëndët e ngritura nga Ish-Prokuroria Speciale Publike.
