Kreu i Urgjencës Kombëtare, Skënder Brataj është shprehur se përdorimi i maskës në transport është i detyrueshëm dhe do të bëhet edhe me gjobë.
Brataj tha se Komiteti Teknik i Ekspertëve ka vendosur maskën me detyrim në trasportin publik dhe se do të bëhet me detyrim ligjor dhe së shpejti do të ketë masë me gjobë për ata që nuk e rrespektojnë.
“Komiteti Teknik i Ekspertëve ka vendosur për të mbajtur masken në transportin publik. Transportin publik e shikojm shumë të rrëzikshëm. Rrinë ngjitur me njëri-tjetrin, e mbajn maskën tek mjekra. Do vendoset masa e gjobës për personat që nuk do të mbajnë maskën,” u shpreh Brataj pwr news24.
Kujtojmë që deri më tani 89 persona kanë humbur jetën nga koronavirusi, ndërsa 3371 janë të infektuar.
