Më shumë se 65 mijë të vdekur dhe 1 milionë e 620 mijë të infektuar, spitalet në ekstrem, ekonomia në rënie të lirë, është vendi i dytë më i prekur nga pandemia pas Shteteve të Bashkuara dhe tani Brazili po përballet, për herë të dytë në pak muaj me rrezikun e infektimit të pallatit presidencial.
Presidenti Jair Bolsonaro ka simptomat e koronavirusit, ethe dhe temperaturë 38 gradë sipas raporteve të CNN dhe gazetës Estado de S.Paulo.
Lajmin e dha vetë Bolsonaro para mbështetësve të tij në një takim publik të hënën dhe për këtë arsye ai shpjegoi së i është nënshtruar testit të COVID-19-, i cili pritet të dalë në orët në vazhdim.
Gjithashtu kreu i shtetit saktësoi se po merr hidroksilkolinë.
Disa javë më parë presidenti brazilian kishte kaluar një provë, pasi një nga bashkëpunëtorët e tij më të afërt kishte dalë pozitiv me koronavirus.
Para se të fliste me përkrahësit e tij, Bolsonaro kishte zhvilluar disa takime me ministra dhe zyrtarë qeveritarë, por axhenda e ditëve të ardhshme u anulua në pritje të rezultateve mjekësore. / Javanews
