Fill pasi shkatërroi një ndër degët më të forta të Partisë Demokratike që konsiderohej si “hambari” i votave të djathta në juglindje, Lulzim Basha u rikthye sërish pas shumë vitesh në Devoll.
Edhe këtë herë ai adresoi një sërë premtimesh ndaj fermerëve të zonës, ndonëse për shumë vite pushteti vendor në këtë zonë është drejtuar nga Partia Demokratike.
Basha tha se bujqësia është në krizë por me ardhjen e tij në pushtet gjithçka do ndryshojë, fshati do dalë nga kriza dhe Devolli do të jetë njëlloj si fshatrat europiane.
“Nuk premtoj asnjë mrekulli dhe nuk ka nevojë për mrekulli, nuk ka nevojë për lëmoshë, ka nevojë vetëm për një qeveri, për një kryeministër që mendon me këta, ndjen me këta, ndjen dhimbjen e tyre dhe bën gjithçka për t’i ndihmuar dhe nuk ka nevojë të bëjë mrekullira.
Me programin tonë prej 100 milionë euro subvencione çdo vit, ne do të arrijmë jo vetëm ta stabilizojmë gjendjen dhe ta nxjerrim fermerin shqiptar nga kriza, por t’i japim kushte të barabarta konkurencë në tregun tonë dhe madje t’i eksportojmë”, tha Basha.
Herën e fundit, Basha premtoi në Devoll se në takimin e parë që do të ketë me presidentin Trump do t’i flasë atij për prodhimet e tyre bujqësore dhe konkretisht për qepët.
Le të kujtojmë që Devolli në garën elektorale të vitit 2017 shënoi fitoren më të madhe të Partisë Demokratike në rang vendi, ndërsa sot për shkak të politikave të gabuara strukturat e kësaj force politike në këtë janë shkatërruar thuajse totalisht.
#LulzimBasha #LIVE – Në Devoll me fermerët e kësaj zone të cilët prodhimet e tyre janë detyruar ti groposin pasi nuk kanë treg, por edhe kur ka treg janë të detyruar ti shesin nën kosto.
Gepostet von Partia Demokratike e Shqipërisë am Montag, 6. Juli 2020
