Blerta Josifi, e mbijetura e vetme nga ngjarja tragjike e ndodhur disa ditë më parë në lagjen Kombinat në Tiranë, ku u gjetën të vetëflijuar nëna dhe motra e saj, vazhdon të jetë në spital në një survejim të rreptë mjekësor. Burime mediatike, bëjnë me dije se Blerta ndodhet e shtruar në Spitalin Psikiatrik, si edhe që 34 vjeçarja ka filluar të ushqehet vetë, pa ndihmën e personave të afërm apo stafit shëndetësor.
Blerta Josifi u dërgua në spital në gjendje të rëndë shëndetësore pasi në shembullin e nënës dhe motrës së saj që u vetëflijuan, kishte kohë që nuk konsumonte që e refuzonte prej kohësh.
E reja ndëkohë mësohet se ka komunikuar me Policinë, por dëshmia e saj nuk mund të merret për bazë, sa kohë që gjendja e saj shikohet si e paqëndrueshme.
Edhe gjatë qëndrimit në spital Blerta Josifi nuk ka shfaqur luhatje në emocione. Ndërkohë që është vënë në dijeni mbi atë çfarë ka ndodhur me nënën dhe motrën e saj.
Ndërkohë në dhomën e saj po qëndrojnë tre të afërme, të cilat janë shprehur se Blerta, Zhaneta dhe Anisa, edhe më parë nuk shfaqnin emocione.
Madje as kur përballeshin me ngjarje të tilla si ceremonitë mortore.
Blerta thanë ato kishte punuar si inxhiniere por e kishte humbur vendin e punës. Që nga ajo kohë ajo ishte mbyllur në vetvete.
