Përcillen për në banesën e fundit, nënë e bijë të cilat u vetëflijuan në banesë, në zonën e Kombinatit në Tiranë.
Zheneta dhe Anisa Josifi, përkatësisht 56 dhe 30 vjeçe janë varrosur në Përmet ndërsa në ceremoni kanë marrë pjesë miq e të afërm.
Anisën e kanë veshur me fustan të bardhë për t’i dhënë lamtumirën ndërsa vajza tjetër e familjes, Blerta e cila është e vetmja e mbijetuar nga kjo tragjedi, është shtruar në psikiatri.
Nëna Zhaneta Josifi 56-vjeçare,me vajzat e saj Anisa dhe Blerta Josifi jetonin në zonën e Kombinatit në Tiranë. Ka qenë i vëllai i Zhaneta Josifit ai që ka lajmëruar policinë pasi motra e tij nuk përgjigjej në telefon dhe as nuk i hapte derën e banesës.
Kjo nuk është hera e parë që ngjarje të tilla ndodhin në vendin tonë pasi edhe më herët praktikantë të Jehovait janë vetëvarë me besimin se mund të ringjallen.
