Detaje shokuese mësohen nga ngjarja e rëndë që ndodhi në Kombinat, ku nënë e bijë u gjetën të pajeta në shtëpinë e tyre.
Paraprakisht bëhet me dije se Anisa Josifi kishte dy javë që kishte vdekur, ndërsa nëna e saj Zhaneta Josifi që ishte praktikante e Jehovait priste që ajo të ringjallej. Ndërkohë, vajza tjetër e familjes Blerta Josifi është në spital në gjendje të rëndë.
Burime per newsbomb.al bëjnë me dije se shkaku i vdekjes lidhet me faktin që nëna dhe vajzat ishin praktikante te jehovait. Kjo nuk është hera e parë që ngjarje të tilla ndodhin në vendin tonë pasi edhe më herët praktikantë të Jehovait janë vetëvarë me besimin se mund të ringjallen.
Ka qenë i vëllai i Zhaneta Josifit ai që ka lajmëruar policinë pasi motra e tij nuk përgjigjej në telefon dhe as nuk i hapte derën e banesës. Dyshohet se dy viktimat dhe vajza tjetër që është në gjendje të rëndë në spital kanë përdorur substanca helmuese për t’i dhënë t’u vetëflijuar.
Tiranë/Informacion paraprak
Më datë 02.07.2020, shtetasi S.F, ka njoftuar në Komisariatin e Policisë nr 6 se në rrugën “Hamdi Cenoimeri”, motra e tij nuk i përgjigjej në telefon dhe nuk i hapte derën e banesës.
Në banesë kanë shkuar shërbimet e Policisë dhe të zjarrfikses dhe pasi kanê hapur derën, kanë gjetur pa shenja jete shtetasen ZH.J., 56 vjeçe dhe vajzën e saj A.J., 30 vjeçe, ndersa vajza tjetër B.J, rreth 34 vjeçe, është dërguar në spital, në gjendje të rëndë shendetësore.
Paraprakisht nga veprimet e para hetimore dyshohet se janë vetëflijuar.
Grupi hetimor i përbërë dhe nga dy ekspertë të mjekësisë ligjore ndodhet në vendngjarje dhe po punon për zbardhjen e plotë të rrethanave të ngjarjes.
