Situata e krijuar për shkak të pandemisë së koronavirusit në vend sa vjen e përkeqësohet, ndërkohë që sot bëhet me dije një tjetër lajm i hidhur.
Një fëmijë rreth një muajsh e gjysmë ka rezultuar pozitiv me koronavirus, raporton oranews. Ai ndodhet i shtruar tek spitali Infektiv, në pediatrinë e QSUT-së, pasi shfaqi simptoma të virusit.
Dyshohet se fëmija eshte infektuar nga e ëma, nderkohë që pritet të dalë përgjigja e tamponit edhe për të. Bëjmë me dije se ky është rasti i parë në Shqipëri, që një foshnje rreth 2 muajshe infektohet me Covid-19.
Kujtojmë se në 24 orët e fundit në vendin tonë janë regjistruar 3 të vdekur dhe 82 raste të reja me koronavirus, shifrat më të larta që nga fillimi i pandemisë brenda një dite.
