Policia greke shkatërroi një organizatë të tregtimit të kanabisit në ishullin e famshëm grek Mykonos.
Sipas autoriteteve greke, në pranga kanë rëne 5 shtetas shqiptarë të moshave 25-45 vjeç, emrat e të cilëve për momentin nuk bëhen publik.
Policia thotë se kishte informacion për aktivitetin e organizatës dhe mbasi i ndoqi për disa ditë,mundi ti vërë në pranga.
Në cilësinë e provës materiale, u sekuestruan 7.2 kg kanabis, 3 peshore elektronike, 3500 euro kash, nje pistoletë TT e prodhimit kinez, si dhe sasia prej 75 gramë kanabis i përpunuar.
Mësohet se anëtarët e organizatës e fshehnin lëndën narkotike në disa vrima të improvizuara jashtë banesave të tyre. Madje për gjetjen e drogës, u përdor qeni i drejtorisë së anti drogës së rojës bregdetare të ishullit.
Prej hetimeve rezultoi se të 5 shtetasit shqiptarë të arrestuar, jetonin në Greqi pa leje qëndrimi.
Agjentët thonë se organizata ka tregtuar gjatë vitit të fundit sasi të mëdha droge ne piacën e narkotikëve të Mikonos, atraksionit turistik më të rëndësishëm në detin egje.
Përfitimet e organizatës investoheshin në vendin tonë në prona dhe automjete luksoze.
5 të arrestuarit do të dërgohen në gjykatë për mase sigurie,të enjten në mesditë.
