Dy persona, një 36-vjeçar dhe një 30-vjeçar, janë arrestuar në Shijak pasi janë kapur duke vjedhur naftën në kompaninë në të cilën punonin.
Arrestimi i tyre u krye pasi në ambientet e një firme tullash në Maminas, ku dhe ishin të punësuar me detyrë manovrator të mjeteve, janë konstatuar nga policia duke vjedhur naftë dhe si rrjedhojë janë arrestuar nga policia.
36-vjeçari me inicialet B. Ç është banues në Vorë, ndërsa 30-vjeçari me inicialet Xh. S është banues në Laprakë të Tiranës. Të dy këta persona tani do të përballen në gjykatë me akuzën “Vjedhja e kryer duke shpërdoruar detyrën”.
