Një automjet është djegur gjatë natës së kaluar, në fshatin Fushë-Derven të Fushë Krujës.
Automjeti është në pronësi të kryeplakut të fshatit, Preng Gjokeja, dhe është shkrumbuar plotësisht, teksa ishte i parkuar në oborrin e banesës së tij.
Zjarri është konstatuar nga fqinjët e kryeplakut, të cilët kanë njoftuar policinë, pasi në banesë nuk ndodhej asnjë nga familjarët. Sipas policisë, shkak i djegies së mjetit mund të jetë ndonjë defekt në sistemin elektrik, por nuk përjashtohet mundësia për zjarrvënie të qëllimshme.
Krujë/Informacion paraprak
Më datë 26.06.2020, rreth orës 01:50, në fshatin Derven, Krujë, është djegur mjeti tip “Benz” në pronësi të shtetasit P.Gj., të cilën e kishte parkuar në afërsi të banesës së tij.
Grupi hetimor po punon për sqarimin e rrethanave të ngjarjes.
