Dy të rinj shqiptarë janë arrestuar nga Policia në Itali pasi kanë grabitur një grua 81-vjeçare e cila ndodhet në gjendje të rëndë në spital. Ata kishin marrë një motor dhe e pritën të moshuarën deri sa mbylli dyqanin e saj rreth orës 8 të së shtunës.
Gruaja po kthehej në shtëpi kur dy shqiptarët e sulmuan dhe i tërhoqën cantën, brenda të cilës kishte vetëm 100 euro, duke e marrë zvarrë të moshuarën.
Tashmë ajo është duke luftuar me jetën në spital dhe mjekët janë skeptikë nëse ajo mund t’ja dalë.
Ajo u pa nga kalimtarë të rastit, të cilët e çuan në urgjencën e spitalit në Rimini.
Dy shqiptarët janë arrestuar fillimisht si të dyshuar për aksidentin e gruas.
20-vjeçari italo-shqiptar Nicolas Mara u kap i pari, siç raportohet nga “RiminiToday”. Djali, tashmë i njohur për policinë për vepra penale të mëparshme, ishte në një lokal.
Pas arrestimit të Mara, ishte radha e 33 vjeçarit shqiptar Erand Dapo, i cili u kap ndërsa po kthehej në shtëpi.
20 vjeçari pranoi para hetuesve atë që kishin bërë. Ata dolën zbuluar edhe nga një bisedë që bënë në makinën e policisë gjatë shoqërimit.
“Çfarë do themi nëse është për gruan e moshuar”, pyet njëri prej tyre brenda mjetit.
Ata nuk e dinin se ishin nën përgjim. Madje janë dukur të cuditur teksa përgjoheshin brenda makinës së policisë teksa pyesin njëri tjetrin se cili i kishte spiunuar pasi nuk kuptonin dot se si karabinierët kishin shkuar tek ta në një kohë të shkurtër.
“Ka folur dikush, ose kanë parë video kamerat”, është shprehur Mara.
