Rritet numri i shtrimeve në spitalin Infektiv, ku po trajtohen të sëmurë me koronavirus. Në një dalje për mediat, specialistja e ISHP-së Rovena Daja theksoi se aktualisht në COVID 1 po marrin shërbim mjekësor 81 pacientë, 11 prej tyre janë në terapi intensive.
Aktualisht mosha mesatare e të shtruarve është rreth 61 vjeç, ndërsa gjysma e të shtruarve është nga Tirana.
“Pavarësisht shërimeve, ka sërish shtrime të reja në spitalin infektiv ku aktualisht po marrin trajtohen 81 pacientë, 11 prej tyre janë në terapi intensive. Mosha mesatare e të shtruarve është rreth 61 vjeç, ndërsa gjysma e të shtruarve është nga Tirana. Lajmi i mirë është se në 24 orët e fundit janë shëruar 36 qytetarë, duke e çuar në 1195 numrin e të shëruarve që nga fillimi i epidemisë. Gjatë 24 orëve të fundit janë kryer 328 testime për të dyshuar të prekur me Covid19 nga të cilat janë konfirmuar 52 raste pozitive, kryesisht raste të reja ne proces hetimi si dhe kontakte të rasteve të konfirmuara më herët pozitive.”, thuhet në komunikatën e MSH-së.
