Destinacioni i ditës së sotme perzgjedhur nga AlpeNews.al është plazhi i Jalës.
Jala është një nga plazhet më të mrekullueshme të bregdetit shqiptar, me bukuri të shumta natyrore. Ky destinacion shumë turistik ndodhet mes Dhërmiut dhe Himarës.
Vite më parë, ky plazh konsiderohej gati i “panjohur” por së fundmi është padyshim nje nga destinacionet kryesore të pushuesve shqiptarë dhe të huaj.
Kjo edhe falë gjireve të shumta që mund ti vizitosh lehtesisht me anije apo edhe varka apo skaf. Në Jalë, ke mundesi të zgjedhësh, që nga pushimet te ashtuquajtura familjare e deri tek ato të “rinisë” apo edhe të qetësisë.
Kjo e fundit duke marrë parasysh gjiret ende të “virgjër” drejt të cilave nje pjesë të rruges e bën edhe me këmbë. Nje prej tyre është edhe “Akuariumi”, emer të cilin e ka fituar nga vendasit.
Vlen të theksohet edhe jeta e natës, që ndonëse në një plazh relativisht te vogel siç është ai i Jalës është e sigurt se do ju mbetet në mend gjatë.
Rreth e Rrotull Shqipërisë