Golemi ofron një reliev të larmishëm, ku janë përqendruar investimet më të rëndësishme në hoteleri e turizëm, ndërsa plazhi gërshetohet me natyrën, nga pylli me drurë të lartë pishe.
Pushues nga Shqipëria dhe Kosova shprehen të kënaqur me kushtet që ofrohen dhe cilësinë e shërbimit. Ata thonë se në Durrës e Golem gjejnë gjithçka, që nga infrastruktura deri tek shumëllojshmëria e shërbimeve dhe cilësia.
Edhe plazhi i Durrësit ishte ndër të preferuarit e vizitorëve këtë fundjavë. Ata shprehen se aty gjejnë detin dhe rërën e pastër, qetësinë dhe sigurinë e duhur.
Nënkryetari i bashkisë së Durrësit Florian Tahiri foli për masat e marra për menaxhimin sa më të mirë të turizmit dhe fillimin e prenotimeve të turistëve të huaj në Shqipëri.
Tahiri foli edhe pre lehtësitë që iu ofruan bizneseve dhe paketat që ata do ofrojnë për pushuesit.