Një ngjarje e çuditshme dhe krejt e pazakontë ka ndodhur mëngjesin e sotëm në brigjet e Vlorës. Mësohet se një person i cili po vinte me traget nga Italia, është hedhur nga trageti shumë metra larg portit të Vlorës, ndërsa në det e priste një varkë.
Personi është ende i paidentifikuar, dhe mendohet që ka qenë i paregjistruar. Pasi u largua bashkë me varkën e vogël, kjo e fundit u gjet në breg dhe ngjason me mjetin që përdoret nga peshkatarët.
Nuk dihet se kush është personi që është hedhur dhe përse ka zgjedhur këtë mënyrë veprimi, teksa pritet që institucionet përkatëse të reagojnë me një deklaratë zyrtare.
