Dy ditë më parë , ne media u raportua se aktori Florian Binaj ishte infektuar me koronavirus .
Me qytetari , ai reagoi pak minuta më vonë , duke konfirmuar lajmin dhe duke kërkuar nga të gjithë ata që kishte takuar , të cilët i kishte njoftuar edhe vetë , të bënin testin . Dhe më të drejtë , pasi sot raportohet se një person në Përmet , është infektuar pikërisht nga ai . Dje u raportua se ishin infektuar edhe vëllezërit Robert dhe Edmond Budina . Por , ndryshe nga Binaj , këta të fundit iu hakërryen medias dhe vetë Edi Ramës , fillimisht pse iu doli emri si të infektuar dhe pastaj pse u këmbëngul që t’iu bëhej testi .
Në vend që të kërkonin nga ata qindra njerëz që kanë takuar këto ditë nëpër protesta , të bënin testin se mos janë infektuar , vëllezërit Budina edhe në fatkeqësi e kanë mëndjen për të përfituar politikisht , duke dalë në media dhe duke bërë si viktima të Edi Ramës , a thua ky i fundir rri gjithë ditën duke menduar për ta .
Ata pretendojnë se iu është shkelur privatësia pse u ka dalë emri si të infektuar me koronavirus , por në fakt duhet të ishin ata vetë që ta deklaronin këtë gjë sapo e morën vesh , për të njoftuar njerëzit e tjerë që kanë takuar . Sepse ndryshe nga të infektuarit e tjerë , ata janë njerëz që këto ditë kanë takuar qindra persona dhe ata duhen vënë në dijeni , për të verifikuar nëse janë infektuar edhe ata .
Ndoshta do të duhet të mësonin pak nga kolegu i tyre Binaj , që jo vetëm s’u ankua pse i doli emri në publik , por doli vetë e foli për infektimin , duke iu kërkuar të njohurve dhe personave që kishte pasur kontakt , të bënin testin . Sepse në raste të tilla , përveç vetes , duhet të mendoshs edhe për të tjerët . Jo ta kesh mëndjen si të bësh politikë me sëmundjen .
