Florjan Binaj ka reaguar përmes rrjeteve sociale në lidhje me gjendjen e tij shëndetësore. Më herët newsbomb.al raportoi se aktori i humorit ishte testuar pozitiv me koronavirus, por tashmë dyshimeve i ka vënë kapak vetë Flori.
Përmes një shënimi në facebook, Binaj thotë me humor se rezultoi pozitiv me këtë virus, duke qenë se është pozitiv dhe si njeri.
Polici i Portokallisë fatmirësisht është në gjendje të mirë shëndetësore dhe pas asnjë simptomë, teksa bën me dije se është vetëkarantinuar.
Reagimi i plotë i Flor Binaj
Jam aq pozitiv si tip saqe dola pozitiv edhe me covid-19
Të dashur ndjekës, fansa, miq dhe mikesha, pas nje testimi rutin, fati donte që unë të qëlloja i prekur nga virusi Covid-19.U vetëizolova që para testimit dhe do qëndrojë në izolim si gjithë të tjerët deri nē pērfundim të krantinës.Fatmirsisht nuk kam asnje simptomë dhe asnjë shqetsim dhe gëzoj shëndet të plotë.Mendova t’jua them vetë të vërtetën sesa ta lexoni nga portalet që për ndonjë klikim janē të gatshëm të shkruajnë çdo gjë!
Mē vjen keq që do mungoj këto 2 javët e fundit të sezonit të Portokallisë por skam ç’bëj…
Dhe për të gjithë ata që më pyesin: ku e more?-i them, e mora në Gjermani por km i ka origjinale të vetat!
Shëndet të gjithëve!
