Pas gjyqit të fituar me Albana Vokshin, kryetari i Bashkisë së Tiranës, Erion Veliaj, ka fituar edhe gjyqin me ish-deputeten tjetër të PD, Jorida Tabakun.
Gjykata ka vendosur se deklaratat e saj për Unazën e Re kanë qenë jo të vërteta, ndaj është gjobitur me 500 mijë lekë të reja, të cilat do të shkojnë për “Fondin e Edukimit”.
Gjithashtu me vendimin e Gjykatës, Tabaku do të duhet të përgënjeshtrojë deklaratën e saj.
Kujtojmë se Veliaj ka fituar gjyqin edhe me Albana Vokshin, të cilën e kishte akuzuar për shpifje.
Trupa gjykuese vendosi se Vokshi duhet të paguajë një dëmshpërblim moral prej 1 milion lekësh ndaj kryebashkiakut të Tiranës Erion Veliaj, i cili e kishte paditur lidhur me disa akuza të ngritura nga selia blu.
