Një minoritar grek nga Finiqi, Manolis Vitos ka publikuar në faqen e tij në rrjetet sociale një video të momentit kur djeg një flamur shqiptar.
Anti-terrori ka bërë verifikimet nga ku ka rezultuar se videoja është bërë një vit më parë, ndërsa është hedhur në rrjetet sociale ditën e djeshme.
Por cfarë thotë minoritari grek? Videon e djegies së flamurit ai e shoqëron me të tjera provokime të forta. “Këtë flamur e mora nga zyrat e OMONIA-s sepse nuk meriton që të qëndrojë atje dhe po e djeg.
Këtu jemi në Sarandë, jemi në Vorio Epir dhe kam gjetur këtë leckë dhe shikoni sesi po digjet, ku janë patriotët dhe nacionalistët shqiptarë?” thotë ai.
Provokimi i rëndë i minoritarit grek vjen pak ditë pasi Lëvizja patriotike “Djemtë e Labërisë” dogjën flamurin e Vorio-Epirit në varrezat e Këlcyrës, ku prehen eshtrat e 21 ushtarëve grekë të vrarë në luftës Italo- Greke.
