Ministrja e Kulturës Elva Margariti ka reaguar për dëmtimin e kolonave në Parkun e Apolonisë.
Ajo është shprehur se nuk kanë bërë asnjë përpjekje për të fshehur dëmtimin.
Sipas Margaritit, janë marrë masat për hartimin e projektit për rindërtimin e kolonave.
‘Nuk kemi bërë përpjekje për të fshehur dëmtimin. Morëm masat për hartimin e projektit për rindërtimi e kolonave, i cili do të realizohet së shpejti. Kemi ndjekur rrugën ligjore për zbardhjen e këtij akti’, ka thënë ndër të tjera Margariti.
Kujtojmë që shkatërrimi i këtyre monumenteve është denoncuar pesë ditë më parë nga Forumi për Mbrojtjen e Trashgimisë Kulturore, i cili ngriti shqetësimin se kolonat janë dëmtuara dy muaj më parë dhe personat përgjegjës për Parkun e Apolonisë s’kanë marrë asnjë masë.
