lba, vajza e Vittorio Sgarbi që për pak u mbyt, ka rrëfyer detaje nga ngjarja delikate në Palasë. E ftuar në studion e “Live – Non è la d’Urso”, Alba u shpreh se të gjithë e kishin këshilluar babain e saj të mos futej në det, por ai e kishte bërë këtë gjë.
“Ishim në Shqipëri dhe babai donte të lahej. Kishte dallgë të mëdha dhe të gjithë i thanë ‘Vittore mos hy’, ai sërish këmbëngulte. E vetmja gjë që më ngeli ishte të shkoja me të, edhe pse nuk kisha kostumin e banjos…Nuk i prisnim ato dallgë të mëdha. Por, kur e pashë në vështirësi, shkova ta ndihmoj,”- tregon Alba.
Vittorio Sgarbi gazetar dhe personalitet i njohur në Itali, u zhduk për disa minuta në mes të detit në Palasë, më 6 qershor. E bija i shkoi në ndihmë, bashkë me rojet bregdetare që e kanë ndihmuar dhe për fat të mirë, ai ka mundur të shpëtojë.
