Një tërmet me magnitudë 5.7 i shkallës Richter ka goditur provincën Bingol në lindje të Turqisë, duke shkaktuar edhe rrëzimin e një kulle vrojtimi ushtarake.
Si pasojë, tre ushtarakë kanë mbetur të plagosur, ndërsa lajmi është bërë i ditur nga ministri i Brendshëm Suleyman Soylu.
Epiqendra e tërmetit ishte në rrethin Karliova të provincës Bingol, ndërsa deri më tani nuk është raportuar për dëme të tjera.
Ministri Soylu njoftoi se njëri nga ushtarakët kishte ngecur nën rrënojat e kullës, ndërsa dy të tjerët kanë marrë lëndime të lehta.
