3% në një orë. Është kjo kostoja e humbjes së lumturisë kur shpenzoni kohë në Facebook me iPad, kompjuter apo smatphone. E kanë llogaritur katër profesorë të ekonomisë në Universitetin e Sheffield, Yorkshire. Detyrat e shtëpisë, marrëdhëniet me familje, shokët, shkolla dhe jeta në kompleks: janë këta faktorët që merren në konsideratë për të kuptuar se në ç’mënyrë fëmijëria dhe adoleshenca lënë gjurmë të pashmangshme në jetë. Përtej limitit të vendosur nga vetë rrjetet sociale, Facebook, Snapchat, Google+, një sondazh i BBC tregon se tre në katër fëmijë të moshës 10-12 vjeç kanë një llogari në këto rrjete.
Krasueshmëria është shumë thelbësore mes adoleshentëve. Vajzat janë më të ndjeshme dhe rëndohen më shumë emocionalisht nga komentet në rrjetet sociale, thonë psikologët. Këtë fakt e konfirmon edhe studimi anglez kur konfirmon se vajzat adoleshente kishin një nivel më të ulët të vetëbesimit. “Rrjetet sociale janë burim stresi për shumë të rinj. Është stresuese të jesh gjithë kohës në konkurencë me të tjerët dhe të ndjesh mbi supe presionin e grupit”, thuhet në studim.
