Tregu më i madh ushqimor në Pekin është mbyllur nga autoritetet pas zbulimit të një numri rastesh me COVID-19 mes punëtorëve të tij.
Tregu ‘Xinfadi’, në kryeqytetin e Kinës, i cili ka 4000 qiramarrës, u mbyll të shtunën, pas zbulimit të shtatë rasteve në dy ditët e fundit. Ato përbëjnë rastet e para të konfirmuara zyrtarisht në Pekin në 50 ditë.
Tregu dhe rrethina e tij do të dezinfektohen, tha agjencia zyrtare e lajmeve Xinhua. Sipas mediave të huaja në muajt e fundit, shumica e rasteve të Kinës ishin nga jashtë, ndërsa shpërthimi i fundit nga brenda ka bërë që zyrtarët e Pekinit të pezullojnë kthimin e nxënësve në shkolla fillore dhe anulimin e ngjarjeve sportive.
‘Xinfadi’ është tregu kryesor me shumicë i frutave, perimeve dhe mishit në Pekin. Ai me 112 hektarët e tij, 1 500 punëtorë, 4,000 qiramarrës dhe furnizon 90% të frutave dhe perimeve të konsumuara në Pekin, 80% të mishit.
Të gjithë njerëzit që kanë qenë në kontakt me tregun ose ata që kanë punuar atje që nga 30 maj do të bëjnë tamponin”- tha Gao Xiaojun, një zëdhënës i Komisionit të Shëndetit të Pekinit.
Kina ishte burimi i shpërthimit të COVID-19, që u përhap me shpejtësi në të gjithë botën duke vrarë më shumë se 425.000 njerëz dhe duke infektuar miliona të tjerë.
