Rudina Hajdari si perfaqesuesja e opozites parlamentare në tryezën për Reformën Zgjedhore prej muajsh është shprehur se kërkon ndryshimin e sistemit dhe listat e hapura.
Jo më larg se dje në një prej debateve televizive, Hajdari deklaroi se kishte kerkuar në çdo mbledhje të Këshillit Politik arritjen e nje konsesusi për ndryshimin e sistemit por askush nuk e kishte marrë parasysh.
Sot pas mbledhjes së Komisionit për Reformën Rudina Hajdari i mëshoi te njejtës tezë teksa foli sërish në numrin shumës dhe si përfaqësuese.
“Ne kemi votat dhe do e çojmë deri në fund në Kuvend. Është betejë e qytetarëve shqiptarë që të përfaqësohen denjësisht në Kuvend. Partitë politike nuk duhet të kenë frikë nga hapja e listave e ndryshimit të sistemit.”, tha Hajdari.
Nga ana tjetër, kjo duket se bie poshtë pas deklaratës të Myslim Murrizit pak minuta më vonë teksa kërkoi dhe zevendesimin e Hajdarit.
“Nuk është shkarkim, ne e kemi dërguar një kërkesë të tillë më 8 vota pro dhe të mbështetur nga dy grupet e tjera, të zëvendësohet Rudina Hajdari dhe bashkëkryetar të jetë Myslim Murrizi. Nuk mund të pranojmë që nga firmosja në Këshillin Politik një marrëveshje që opozita parlamentare nuk e njeh besoj është më e moralshme që të mos drejtohet nga dy bashkëkryetar që janë në të njëjtin mendim dhe kundër mendimit të 29 deputetëve. Ne kemi të drejtë të kërkojmë vendin që na takon dje ka vajtur dhe shkresa zyrtare,” u shpreh Murrizi duke lënë te kuptohet se Rudina ndonëse është perfaqesuesja e opozites parlamentare sot nuk mendon njëjtë me ta.
AlpeNews.al
