Në sipërfaqe të tilla si dorezat, enët prej qelqi, dhe ekranet e smartphone, koronavirusi mund të zgjasë nga një minimum prej 3 sekondash në një maksimum prej dy minutash.
Gjithçka varet nga materialet, temperatura dhe lagështia.
Është kjo ajo që thuhet në një studim të publikuar në revistën “Physics of Fluids”, i kryer në gjashtë qytete të ndryshme, mes Amerikës, Azisë dhe Australisë, i drejtuar nga Rajneesh Bhardwaj dhe Amit Agrawal, nga Instituti Indian i Teknologjisë në Bombei.
“Rezultatet e këtij studimi, mund të shpjegojnë edhe përhapjen e ngadaltë ose të shpeshtë të infeksionit, në mënyrë të veçantë në një qytet”, tha Bhardwaj.
Avullimi i pikave në varësi të lagështisë – Sapo pikat që mbartin virusin të avullojnë, studiuesit shpjegojnë, se virusi i mbetur vdes shpejt, prandaj mbijetesa dhe transmetimi ndikohet drejtpërdrejt nga koha kur pikat mbeten të paprekura.
Për këtë studiuesit analizuan kohën e avullimit të pikave të pështymës të llojeve të shumta të sipërfaqeve në New York, Chicago, Los Angeles, Miami, Sidnei dhe Singapor, të cilat kanë temperatura dhe nivele të ndryshme lagështie.
Mbijetesa e virusit bazuar në temperaturën– Rezultoi se sa më e lartë të jetë temperatura e ambientit bën që pikat të thahen më shpejt, duke ulur në mënyrë drastike shanset për mbijetesë të virusit. Në vende me lagështi më të lartë, pikat mbeten më gjatë në sipërfaqe dhe, sipas autorëve, shanset për mbijetesë të virusit rriten.
Studimi shqyrtoi kohën e tharjes së një pike në një ambient të mbyllur me ajër të kondicionuar, në 25 gradë, dhe një mjedisi të jashtëm në 40 gradë.
Çfarë ndodh në 24 dhe 40 gradë – Në 25 gradë koha e avullimit për pikat e vogla është 6 sekonda, e cila rritet në 27 sekonda për pikat e mëdha. Në 40 gradë koha e avullimit zvogëlohet me 50%.
Megjithatë koha e avullimit të një pike rritet pothuajse 7 herë me rritjen e lagështisë nga 10% në 90%, duke u bërë më shumë se 2 minuta për pikat më të mëdha në kushte të lagështisë e lartë. Sipas autorëve, ky mund të jetë një problem me rritjen e lagështisë në zonat bregdetare gjatë verës dhe në vendet në Azi.
