Ish-deputeti i PS Namik Dokle ka dhënë një lajm të mirë në këtë periudhë të vështirë të krijuar nga pandemia Covid-19.
Përmes një postimi në ‘Facebook’, ai ka treguar se vajza e tij, Manjola e cila ka qenë në krye të detyrës si mjeke, ka mbyllur me sukses misionin e saj në spitalin ‘Erbosa’ të Bolonjës.
Dokle është shprehur krenar për të bijën, pasi tashmë në këtë spital nuk ka më asnjë të sëmurë me koronavirus dhe të gjithë do t’i kthehen normalitetit.
Më tej, ish-deputeti ka ndarë edhe fjalën e Manjolës, e cila shprehet se tani mund të marrin frymë në liri pas një periudhe me plot sfida.
Postimi i plotë:
KRENARE PER TY, LOLA!
Pas tre muajsh lufte per jete a vdekje me covid19, spitali ERBOSA i Bolonjes, ku punon si mjeke anesteziste-reanimatore edhe ime bije, Manjola, u kthye ne normalitet. Tash nuk ka me asnje te semure me covid. Po sa perpjekje e perkushtim ofruan mjeket, infermieret dhe gjithe personeli? Ja si e pershkruan Manjola:
“ Mbaroi… dhe mund te marrim fryme te lehtesuar… mbaroi nje periudhe e mbushur me pune, sfida, frikera, caste trishtimi, stermundimi fizik dhe mendor, ore te pafundme turnesh, duke luftuar kunder nje semundjeje krejtesisht te panjohur per ne.
Ishte gjithashtu nje pervoje e madhe qe na pasuroi ne njohjen e semundjes, e cila ashpersisht nderpreu rrjedhen normale te jetes, ne njohjen e frikerave tona, te kufizimeve e thyeshmerise shpirterore… Ishte krenari te shikoje qe jemi nje grup i forte, i mbushur me deshiren per te vepruar dhe per t’u qendruar prane te semureve aq delikate, te cilet vuanin ne vetmi.
Krenare per koleget e mi!”
Edhe ne te gjithe, krenare per ty, Lola!
