Pas rënies së rasteve të reja të infektimeve dhe numri të viktimave nga COVID-19, Spanja ka vendosur rregulla të reja dhe të lehtësojë masat e marra për parandalimin e infeksionit.
Ministria e Shëndetësisë spanjolle ka vendosur që klubet e natës të rifillojnë aktivitetin e tyre, por rregullat do të jenë shumë strikte.
Ky vendim është marrë për shkak se turizmi në Spanjë është shumë i zhvilluar, por rregulli kryesor i nxjerrë nga ministria është ndalimi i kërcimit.
Në hapësirat që kanë klubet e natës do të vendosen taviolina dhe karrige, në mënyrë që frekuentuesit e klubeve të natës të qëndrojnë ulur dhe të mos kërcejnë, për të parandaluar përhapjen e koronavirusit.
Por kjo bie në kundërshtim me kërkesat e pronarëve, të cilët shprehen se arsyeja kryesore që të rinjtë shkojnë në klube nate është kërcimi, ndaj ky rregull do ta dëmtojë punën e tyre.
Ndërkohë klubet e natës mund të përdorin edhe verandat, pasi kanë marrë lejen nga autoritetet përkatëse.
