Lajmi i vitit 2017 se në Shqipëri ishin groposur mbetjet e 1300 kontenierëve që kishin për destinacion Maqedoninë, bëri bujë të madhe në media.
Ishte një artikull nga një faqe anonime në internet në gjuhën italiane “pianetaitalianews.it”, i cili solli edhe zhurmën e madhe mediatike, ndërsa shkruhej se prokuroria italiane kishte nisur hetimet për këtë çështje dhe se nuk do të kurseheshin as punonjësit e Kryeministrisë.
Mediat italiane ditën e sotme kanë zbardhur dosjen e Prokurorisë italiane që shkaktoi rrëmujë të madhe në Shqipëri, duke shkruar se porositësi i këtij sulmi ndaj qeverisë ishte këshilltari i Presidentit Meta, Ilir Kulla.
Sipas Prokurorisë italiane, Sergio De Gregorio, pronari i këtij portali që shkroi për groposjen e mbetjeve në Shqipëri ka deklaruar se është paguar që të organizonte një gfushatë sulmuese kundër qeverisë shqiptare.
Ai ka nxjerrë emrin e këshilltarit të Presidentit, Ilir Kulla, si njeriun që e pagoi De Gregorion për të krijuar një “fake news” që do të lëkundte pozitat e qeverisë shqiptare.
De Gregoria nuk është një emër i panjohur për Drejtësinë ital;iane, pasi edhe në vitin 2008 kishte dhënë kontributin e tij për të rrëzuar qeverinë Prodi, falë lëvizjes së tij “Forza Italia”, ndërsa është akuzuar edhe për zhvatje, mashtrim dhe pastrim parash.
Në përgjimet e Prokurorisë ka dalë se vetë Ilir Kulla ka mbërritur në Itali në 26 shkurt 2017 në mënyrë që të ndiqte më nga afër ngjarjen.
