I ftuar në studion e emisionit “Shqipëria Live”, ishte Kristaq Nika.
Kristaqi ka shumë vite që është diagnostikuar me diabet, por si pasojë e sëmundjes para gjashtë vitesh ka prerë njërën këmbë dhe pas disa kohësh edhe tjetrën. Megjithatë Kristaqi nga Gjirokastra ka gjetur forcën dhe ka ndërtuar një ashensor, me të cilën zbret ose ngjitet për të hyrë në shtëpi. Gjatë fjalës së tij, Kristaqi tregoi të gjithë peripecitë e sëmundjes, por edhe si i lindi ideja për të ndërtuar një ashensor. Ndërkaq, Kristaqi kishte dhe një apel për ndihmë.
“Isha një djalë i shkathët dhe punëtor. Do mbaja maune me miq dhe shokë. Më zuri diabeti, më prenë një këmbë, u operova në zemër dhe më pas preva dhe këmbën tjetër. Prej gjashtë vitesh jam në karrocë. (Si të lindi ideja për ashensorin?) Po të gjithë në fshat po talleshin me mua, më thoshin çfarë shkence do të bësh ti. Shkoj në një lokal, pimë një kafe një gotë raki dhe llafosemi. Shokët më japin kurajo. Forca më buron nga kokëfortësia. Duke parë që ka dhe më keq se mua, të tjerët janë çuna të rinj dhe janë shumë më keq se mua. (Shokët se besuan që do të ndërtonte ashensorin)Do ta shikoni i thash çfarë shkence do bëj. Vetëm vëllai më besoi. (Ku e gjete modelin për ashensorin) Jo mo çfarë model e bëra vetë nga mendja. Më ndihmoi edhe vëllai. Për mua kujdeset bashkëshortja. Bleva materialet në Gjirokastër më tha vllai çfarë do të bësh, ja shpjegova. Për dy ditë e kemi mbaruar. S’do më iki treni avash avash do e bëj thash. Ngjitem vetë dhe zbres vetë tani. Ai fakt më besdiste, edhe gruan smëmurë e kam. Tani që më mungon këmba rri dhe shikoj televizor. Nëse më ndihmojnë dot shqiptarët, më është prishur njëra nga protezat dhe më duhet një e tillë”, tha Kristaqi.
