Ditën e djeshme në ambientet e paraburgimit të Burgut 313 në Tiranë ka nisur një sherr mes anëtarëve të bandës së Avdylajve dhe policisë.
Përplasja ndodhi pas një vendimi për kontrollin e qelive të tyre, pasi ishte gjetur një telefon.
Kësisoj drejtori i përgjithshëm i burgjeve Agim Ismaili, urdhëroi tre muaj izolim për anëtarët e bandës së Avdylajve dhe për një shtetas italian, pas sherrit me efektivët e burgut.
Por Gjykata vendosi që të anulojë vendimin për izolimin e këtyre personave.
Ditën e sotme është zbardhur edhe dosja e Prokurorisë, ku zbulohen edhe kërcënimet e bandës ndaj policëve.
“Ty të njoh se më ke shoqëruar për vizitë në spital. Nuk i kontrolloni dot Avdylajt. Për 10 ditë unë jam jashtë, mbaje mend fytyrën time, do t’iu heqim qafe”, janë disa nga kërcënimet e bandës së Avdylajve ndaj policiëve në burgun e sigurusë së lartë.
