Koronavirusi “nuk përhapet lehtësisht” nga prekja e sipërfaqeve ose objekteve, sipas formulimeve të azhurnuara në ueb faqen e Qendrave për Kontrollin e Sëmundjeve (CDC).
Hulumtimet e mëparshme të publikuara në New England Journal of Medicine, kishin zbuluar se koronavirusi mund të ishte i qëndrueshëm në ajër deri në 3 orë, në bakër deri në 4 orë, në karton deri në 24 orë dhe në plastike dhe çelik inox deri në 72 orë. Por, është akoma e paqartë se sa kohë SARS-CoV-2 mund të mbetet në sipërfaqe dhe sa infektive mund të jenë ato sipërfaqe, shkruan Live Science.
Koronavirusi përhapet “shumë lehtë dhe i qëndrueshëm midis njerëzve”, dhe kjo është rruga kryesore e transmetimit, thotë CDC në faqen e tyre të internetit. Sidoqoftë, “virusi nuk përhapet lehtë në mënyra të tjera”.
Megjithëse është “e mundur” që COVID-19 të përhapet në mënyra të tjera përveç kontaktit person-person, duke përfshirë prekjen e sipërfaqeve ose objekteve dhe më pas prekjen e gojës, hundës ose syve ose midis kafshëve dhe njerëzve, këto nuk mendohen si rrugët kryesore të transmetimit.
Prapëseprapë, kjo organizatë ka thënë se njerëzit duhet të jenë të kujdesshëm.
CDC ka publikuar një seri udhëzimesh se si të pastrohen dhe dezinfektohen sipërfaqet. “Dëshmitë aktuale sugjerojnë që SARS-CoV-2 mund të mbetet për orë të tëra në sipërfaqe të materiale të ndryshme”, thotë agjencia në udhëzimet e tyre . “Pastrimi i sipërfaqeve të ndotura me dezinfektues është një masë praktike më e mirë për parandalimin e COVID-19 dhe sëmundjeve të tjera të frymëmarrjes virale në familje dhe mjediset e komunitetit”.
Mënyra më e mirë për të mbrojtur veten nga COVID-19 është të ruani distancën e mirë sociale, të lani duart shpesh me sapun dhe ujë dhe pastroni dhe dezinfektoni në mënyrë rutinore sipërfaqet e prekura shpesh.
