Për të katërtën ditë radhazi ulet numri i të vdekurve nga koronavirusi në SHBA. Në 24 orët e fundit në SHBA kanë ndërruar jetë nga koronavrusi 532 persona, 106 më pak se një ditë me parë sipas të dhënave të John Hopkins University.
Ndërsa ditën e diel të vdekurit në SHBA ishin 1.127 persona. Në total numri i të infektuarve në SHBA që prej nisjes së pandemisë është 1 662 768 persona, nga të cilët kanë ndërruar jetë 98 223.
Ndërsa në botë deri më sot janë regjistruar 5,497,538 të infektuar, nga të cilët kanë ndërruar jetë346,269 persona. Shtetet e Bashkuara të Amerikës kanë numrin më të lartë të rasteve dhe vdekjeve.
Brazili për sa i përket numrit të të infektuarve ka vendin e dytë me 376 669 raste dhe 23 522 të vdekur. Rusia renditet e treta me 353 427 raste, por me një numër të ulët të vdekjeve. Rusia raporton 3 633 të vdekur nga Covid-19.
Spanja renditet e katërta ku në total ka 282 480 raste dhe 26 837 të vdekur. Më pas vjen Mbretëria e Bashkuar e cila raporton për 261 184 raste dhe 36 914 të vdekur. Në vendin e gjashtë renditet Italia me 230 158 raste dhe 32 877 të vdekur. Franca renditet pas Italisë me 182 842 raste dhe 28 432 të vdekur nga koronavirusi.
