Deputetja socialiste Elona Gjebrea gjatë një interviste në Report Tv me gazetarin Besard Jacaj u shpreh se në ligjin që pritet që të miratohet që i jep të drejtë policisë që të përgjojë, në objektiv nuk do të jenë njerëzit e zakonshëm. Por pyetja që shtrohet është se kush e garanton këtë?
“E para duhet lexuar me vëmendje projektligji, asnjëherë nuk do të ndodhin përgjime, do të ketë një bashkëpunim për inicimin e disa momenteve. Nuk bëhet fjalë për njerëz të zakonshëm. Nuk thuhet policia që nuk do të pyesë prokurorinë. Në elementë të caktuar…do të ruhet hallka e funksionimit mes prokurorisë dhe policisë, por elementë të caktuar që kanë nevojë për një shpejtësi, policia do të vijojë punën.
Policia edhe tani, ka të drejtë që të përgjojë dhe sigurisht me një autorizim, që nuk ndodh, ashtu sikur janë shqetësuar. Ligji po diskutohet dhe të presim edhe miratimin në parlament. Jemi shumë të kujdesshëm, ligjet që i miratojmë të jenë konform standardeve dhe nuk do të donim të bënim gabime të tilla” tha ajo.