Pavarësisht skandalit të ngritur nga media, politikanë apo dhe qytetarë për mosrespektimin e masave izoluese nga këshilltari i Boris Johnson, ky i fundit nuk pranoi ta shkarkojë atë.
Bëhet fjalë për Dominic Cummings i cili akuzohet se ka thyer disa herë masat izoluese dhe ka qarkulluar në qytet kundrejt ligjit.
Kjo ka shkaktuar një reagim të ashpër nga qytetarë dhe politikanë të cilët e kërkuan dhe shkarkimin e tij.
Sipas asaj që raportojnë mediat britanike, Cummings ka vizituar disa herë familjen e tij në Angli pavarësisht se disa pjesëtarë kanë pasur simptoma të koronavirusi.
Gjatë një konference për shtyp ditën e sotme, Johnson refuzoi që ta shkarkojë nga detyra këshilltarin e tij.
Kryeministri e justifikoi me faktin se ai ka vepruar në bazë të instikteve prindërore.
“Unë mendoj se ai ka vepruar ashtu siç do të vepronte çdo baba dhe unë nuk e dënoj për këtë fakt” – shprehet Johnson.
Gjatë konferencës për shtyp Johnson nuk u përgjigj disa prej pyetjeve të gazetarëve të cilët kërkonin të dinin nëse ai i ka thyer rregullat edhe gjatë muajve prill dhe mars.
Në shumë shkrime të publikuara nga mediat Daliy Mail dhe The Mirror, Cummings është parë në disa pjesë të Anglisë gjatë muajve të parë kur izolimi ishte edhe më i rreptë.
Kjo ka hedhur shumë dyshime për mënyrën se si qeveria e ka menaxhuar në të vërtetë situatën e krijuar nga COVID-19.
Duket se për politikanët apo pjesëtarë të qeverisë nuk funksionojnë këto masa izoluese. Gjithashtu Johnson nuk pranoi të komentonte për masa administrative ndaj Cummings.
Menjëherë pas deklaratës së tij ka ardhur dhe reagimi i parë nga kreu i Partisë së Punës, Keir Starmer.
Mungesën e masave administrative ndaj Cummings, ai e konsideron fyerje ndaj përpjekjeve të qytetarëve për të respektuar masat izoluese.
Përmes një postimi në Twitter ai shkruan se ky ishte një test për kryeministrin Johnson, dhe se ai dështoi.
This was a test of the Prime Minister and he has failed it.
It is an insult to sacrifices made by the British people that Boris Johnson has chosen to take no action against Dominic Cummings.
— Keir Starmer (@Keir_Starmer) May 24, 2020
