Aktorë e aktivistë të Aleancës për Mbrojtjen e Teatrit Kombëtar ndodhen në këto momente në qytetin e Durrësit.
Qytetarë e aktivistë janë mbledhur në sheshin qëndror të qytetit dhe kanë nisur të mbledhin firma për peticionin e rindërtimit të Tetrit Kombëtar, në vendin ku ishte dhe siç ishte. Gjithashtu, mbështetës të opozitës janë gjendur në krah të artistëve nga Tirana dhe kanë firmosur peticionin për Teatrin.
Ndërkohë, në faqen zyrtare të Aleancës në Facebook është lajmëruar pasditen e sotme një tjetër protestë, për të moslejuar rrethimin e vendit ku ishte Teatri nga Policia.
“Vepra u krye dhe sot kanë filluar të mbulojnë skenën e krimit duke rrethuar pronën e Teatrit Kombëtar! Nuk do të lejojmë të fillojnë punimet! Duam Drejtësi për shkatërrimin e Teatrit dhe dhunimin e demokracisë”, thuhet në njoftimin e Aleancës për Mbrojtjen e Teatrit.
