Një aksident rrugor është regjistruar mëngjesin e kësaj të premte në Tiranë, ku një person ka mbetur i plagosur.
Ngjarja ka ndodhur në rrugën ‘Bardhyl’, ku një automjet ka përplasur tek vijat e bardha biçiklistin F.Rr., 87 vjeç. Burime zyrtare i thanë Shqiptarja.com ndodhet në spital, nën kujdesin e mjekëve.
“Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes”, njofton policia.
Njoftimi i plotë i policisë
Më datë 22.05.2020, rreth orës 07:27, në rrugën “Bardhyl” në kryqëzim me rrugën ‘Hoxha Tasim”, mjeti me drejtues shtetasin B.Ll., ka aksidentuar tek vijat e bardha biçiklistin F.Rr., 87 vjeç, i cili ndodhet në spital, nën kujdesin e mjekëve. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
