Pandemia e koronavirusit rrezikon të zhysë në varfëri 29 milionë persona në Amerikën Latine, tha sot organizata joqeveritare “Veprim kundër Urisë”.
“Një në tre latino-amerikanë vuante nga pasiguria ushqimore që para se pandemia të godiste rajonin”, tha Benedetta Lettera.
“Tkurrja e pritshme e ekonomisë rajonale dhe papunësia në rritje do ta kthejnë këtë në krizën më të madhe të shekullit të fundit”, shtoi ajo.
Kufizimet kanë ndaluar shumë latino-amerikanë që të fitojnë jetesën, ndërkohë që sistemet e sigurimeve shoqërore shpesh janë të dobëta.
Sipas OJQ-së, shumë njerëz po kthehen në fshatrat e tyre të origjinës dhe migrantët në vendet e tyre të lindjes, gjë që ka shtuar barrën mbi ekonomitë lokale dhe sistemet shëndetësore në këtë kontinent.//ATSH
