Në Itali, Guardia di Finanza ka sekuestruar në portin e Ankonës 19 ton mbetje elektro-shtëpiake që vinin nga Gjermania dhe kishin për destinacion final Shqipërinë.
Sipas mediave italiane pasjisjet e sekuetruara ishin pjesë e një grup të trafikut të paligjshëm të mbetjeve elektrike.
Në bordin e kamionit kishte pothuajse 19 ton mbetje elektrike dhe elektronike, përfshirë furra dhe makina larëse.
Gjatë kontrollit u konstatue edhe mungesë dokumentacioni për mallrat e sekuestruara.
Shoferi i kamionit, një 25 vjeçar shqiptar si dhe një tjetër shqiptar 44 vjeçar, përgjegjës për transportin dhe të dy me banim në Gjermani, u proceduan penalisht nga autoritetet doganore. Dy shqiptarët rrezikojnë gjobë nga 1.550 euro në 26,000 euro, përveç burgimit deri në 2 vjet.
Edhe në muajin shkurt të këtij viti, më shumë se 25 tonë mbetje të paligjshme, të gatshme për t’u dërguar në Shqipëri, u bllokuan dhe sekuestruan në portin e Ankonës nga stafi i Agjencisë Doganore dhe Carabinieri del Noe.
Kujtojmë se në vitin 2019 si pjesë e kontrolleve të vazhdueshme nga policia italiane u sekuestruan 65 tonë mbetje.
