Policia e Shtetit ka identifikuar dhe ndaluar 49 – vjeçarin Arben Qyrani , me banim tek Unaza e Re , Tiranë , si autor i hedhjes së lëndëve pirotenike në tubimin e sotëm .
Mbështetësi i Partisë Demokratike , është shoqëruar nga efektivët pasi për pasojë të veprimeve të tij të jashtëligjshme pati 2 shtetase të lënduara , nga lënda plasëse .
Pasi hodhi lëndët piroteknike mes turmës , i ndihmuar nga persona të tjerë , të identifikuar tashmë nga Policia , ai doli nga turma . Agjentët e policisë e ndoqën dhe e ndaluan pak metra larg sheshit ku opozita mbante tubimin .
Qyrani është i proceduar edhe më herët për ” Tubim të paligjshëm ” në vitin 2018 , në zonën e Unazës së Re , në Tiranë . Fillimisht , opozita pretendoi se kapsollat po hidheshin nga provokatorë të mazhorancës .
