Plagosja e ndodhur mesditën e sotme në Selenicë të Vlorës, dyshohet të jetë atentat i mirëorganizuar.
Ngjarja ndodhi rreth orës 11:45 të ditës së sotme, ku u qëllua me armë Jetnor Xhaferraj, rreth 50 vjeç, pranë banesës së tij.
Por fatmirësisht Xhaferraj është prekur nga plumbi në dorë dhe ndodhet jashtë rrezikut për jetën.
Mirëpo hetimet e policisë kanë rindërtuar ngjarjen, ku është zbuluar se ka qenë një person me kapuç në kokë ai që ka qëlluar drejt 50-vjeçarit.
Nga ana tjetër mësohet se Xhaferraj është person me precedentë penal dhe konfliktet e së shkuarës dyshohet se janë bërë shkak për atentatin.
Ndërsa autori i të shtënave u largua nxitimthi me makinë, policia vijon hetimet për identifikimin dhe kapjen e tij.
