Deputeti Adriatik Alimadhi, i cili ka lënë spitalin dje pas 49 ditësh luftë me koronavirusin ka folur në një lidhje me News24 duke rrëfyer gjithë përjetimet e tij përgjatë gati dy muajve.
Alimadhi tha se kushtet në Spitalin Infektiv ishin të vështira dhe se ky spital nuk i plotëson kushtet për spital COVID por nga ana tjetër vlerësoi punën e mjekëve. Ai tha se do të vijojë të mbajë oksigjen dhe pse gjendja e tij është më e qetë.
“Mjekët më rekomanduan që të vijoj të mbaj oksigjen. Gjendja ime aktualisht është më e qetë. Infektivi nuk i plotëson kushtet për spital COVID, janë kushte të vështira në spital. Mjekët në Infektiv janë të përkushtuar por kushtet janë të vështira. Të prekesh nga COVID-19, ishte si të jetoje mes të vdekurve”, tha Alimadhi.
Sa i përket marrjes së virusit ai tha se mund të jetë infektuar pas takimeve me njerëzit. Alimadhi i konsideroi masat anti-COVID të rrepta e të ashpra, por nga ana tjetër tha se disa duhen respektuar.
