Policia në Kinë ka nxjerrë të gjallë nga varri një 79 vjeçare me aftësi të kufizuara, e cila ishte varrosur nga djali i saj.
E moshuara ishte nën kujdestarinë e djalit të vogël, por ky i fundit e la nënë e tij te vëllai më i madh dhe shkoi të punonte, raportojnë mediat e huaja.
Djali i madh e mori nënë e tij dhe e varrosi të gjallë në provincën Shaanxi në Kinën veri-perëndimore.
Autoritetet u njoftuan nga gruaja e djalit të madh, e cila dyshonte se bashkëshorti e kishte vrarë nënën e tij.
Edhe pse kishte tre ditë nën tokë pa ujë dhe pa ushqim, e moshuara arriti të mbijetonte dhe aktualisht ndodhet në spital jashtë rrezikut për jetën.
Ende nuk dihet se çfarë e shtyu djalin të bënte këtë akt makabër, ndërsa raportohet se ai është arrestuar nga policia dhe akuzohet për vrasje të mbetur në tentativë.
