Kryetarja e LSI-së Monika Kryemadhi insiston se qeveria fsheh shifrat e vërteta të viktimave nga koronavirusi.
Kryemadhi thotë se Gjendja Civile nuk publikon vdekjet për muajt janar dhe shkurt, ndërsa në debat e sipër ajo u shpreh se është e gatshme të numërojë të gjithë varrezat e Shqipërisë, se sa janë hapur gjatë kësaj periudhe.
“Po e them sepse kemi qenë nëpër vakira, të bëjmë llogaritë e njerëzve që kanë vdek. Na kanë njoftuar njerëzit, ka vdek halla, xhaxhai…na ka dëgjuar veshi. Gjendja Civile të nxjerrë shifrat dhe të qartësohemi të githë.
Mos më bëj se po i futem gjithë varrezave të Shqipërisë dhe po i numëroj me radhë. Unë po të jem në qeveri nuk kam pse të gënjej dhe paaftësinë time t’ja lë virusit”, tha ndër të tjera Kryemadhi.
