Një 23-vjeçar nga Prizreni ka ndërruar jetë si pasojë e plagëve të shumta që ka marrë gjatë një sulmi më thikë.
Ai ka qenë duke udhëtuar me motoçikletë, teksa një veturë e ka goditur dhe më pas dy persona kanë dalë dhe e kanë sulmuar me thikë, njoftojnë mediat kosovare.
Lajmin e ka konfirmuar për mediat zëdhënësi i policisë për rajonin e Prizrenit, Shaban Osmanollaj.
“Policia ka marrë informatë për një sulm rreth orës 14 e 30 nga disa persona të dyshimtë. Policia ka kontaktuar me një dëshmitar që ka qenë bashkë me viktimën”, tha ai.
Dy të dyshuarit janë ndaluar, ndërsa aktualisht policia është duke kontrolluar shtëpitë e tyre.
